Цели 30 години групата „Фолтин“ во основата на своето постоење ù е да ја гали душата на публиката. Неуморливи, секогаш инвентивни во текст, звук, секогаш во обид и истражување да не бидат здодевни, битолската петорка стана заштитен знак за музика со предзнак квалитет – светска музика што секаде би можела да пројде.
30 години во нашата земја да бидете активен и да живеете со музиката, не е мала работа. В0 30 години да издадете 10 албуми, исто така не е мала работа. Затоа голема работа е да ја наполните салата на Филхармонија кога одбележувате три децении опстојување на сцената.
Предводени од Бранислав Николов, музичар и уметник во тотална смисла на зборот, овој шармантен состав звучеше прекрасно на својот концерт на 22 ноември. Видно возбудени сите – од прв до последен во бендот Пеце Николовски (кларинет, каос-пад, усна хармоника), Пеце Трајковски (електронски акордеон, електрична гитара), Гоце Јованоски (бас) и Славчо Јовев (тапани).
Месечина, Ми се води љубов, Облаче, Ела си в кревет, Симултан бакнеж… неибежната Милице… беа само дел од дваесетината песни од нивниот избор. И се разбира, „Слободна љубов“, за бис.
Фолтинци, ви благодариме. Да ни прајте уба музика уште долго и да ви идиме на концерти!
Фото: Огнен Ацевски
